ﻧﺰﺍﻝ ﻣﻨﻄﻘﺔ ﺗﺘﺒﻊ ﻋﻤﺎﻥ ﺍﻟﺸﺮﻗﻴﻪ ﻏﺮﺑﻬﺎ ﻋﺒﺪﻭﻥ ﻭﺷﺮﻗﻬﺎ ﺍﻟﺰﻫﻮﺭ ﺷﻤﺎﻟﻬﺎ ﻭﺳﻂ ﺍﻟﺒﻠﺪ وﺟﻨﻮﺑﻬﺎ أم قصير وهي مضارب عشائر الحويان والدعجة ومنطقة ﺍﻟﺒﻨﻴﺎﺕ. 

ﺑﺘﺨﺪﻣﻬﺎ ﺍﻣﺎﻧﺔ ﻋﻤﺎﻥ ﻣﻨﻄﻘﺔ ﺑﺪﺭ ﻭﻣﻘﺮﻫﺎ ﺣﺪﻳﻘﺔ ﺍﻟﺸﻮﺭﻯ

ﻣﻨﺎﻃﻘﻬﺎ ﻛﺜﻴﺮﻩ " ﺭﺍﺱ ﺍﻟﻌﻴﻦ / ﺍﻻﺧﻀﺮ / ﺑﺪﺭ / ﺍﻟﺬﺭﺍﻉ ﺍﻟﻐﺮﺑﻲ / ﺍﻟﺬﺭﺍﻉ ﺍﻟﺸﺮﻗﻲ / ﺿﺎﺣﻴﺔ ﺍﻟﻴﺎﺳﻤﻴﻦ

ﻧﺰﺍﻝ ﺍﺳﻤﻬﺎ ﻋﻠﻰ ﺍﺳﻢ ﻧﺰﺍﻝ ﺍﻟﻌﺮﻣﻮﻃﻲ ﻭﺑﻴﺘﻪ ﺍﻟﻘﺪﻳﻢ ﻣﻮﺟﻮﺩ   على سفح الجبل محاذي لرأس العين... ومضافة الشيخ نزال العرموطي كان يجتمع بها وجهاء العاصمة عمان وزعماء القبائل والعشائر الأردنية.

ﻧﺰﺍﻝ ﻓﻴﻬﺎ ﺗﻨﻮﻉ ﻋﺸﺎﺋﺮﻱ ﻛﺒﻴﺮ ﻟﻜﻦ ﻛﻞ ﺳﻜﺎﻧﻬﺎ ﻗﻠﻮﺑﻬﻢ ﻋﻠﻰ ﺑﻌﺾ ﻭﻓﺰﻋﺔ ﺑﻌﺾ ، ﻓﻴﻬﺎ العرموطي والعقرباوي وﺍﻟﻌﺒﻴﺪﻱ ﻭﺍﻟﺘﻌﻤﺮﻱ والفجاري ﻭﺍﻟﻔﺎﻋﻮﺭﻱ والشوعاني والنوباني ﻭﺍلبداوي والحوراني ، ﺍﻟﻘﻴﺴﻲ ﻭﺍﻟﻜﺴﻮﺍﻧﻲ ﻭﺍﻟﻤﺪﻧﺎﻭﻱ ﻭﺍﻟﻌﺒﺎﺩﻱ  ﻭﺍﻟﻌﺠﺮﻣﻲ ، ﻓﻴﻬﺎ ﺍﺑﻦ ﺍﻟﻄﻔﻴﻠﻪ ﻭﺍﺑﻦ ﺍﺭﺑﺪ ﻭﺍﺑﻦ ﺍﻟﻘﺪﺱ ﻭﺍﺑﻦ ﺍﻟﺨﻠﻴﻞ ﻭﻧﺎﺱ ﻃﻴﺒﻴﻦ ﻭﻏﺎﻧﻤﻴﻦ ﻣﻦ ﺍﺻﻮﻝ ﻛﺜﻴﺮﻩ ،

ﻧﺰﺍﻝ ﻓﻴﻬﺎ ﺍﻟﻐﻨﻲ ﻭﺍﻟﻔﻘﻴﺮ ﺑﺎﻟﻤﺎﻝ ﻟﻜﻦ ﺍﻷﻏﻠﺐ ﻋﻨﺪﻩ ﺛﺮﺍﺀ ﺑﺎﻟﻨﺨﻮﻩ ﻭﺍﻻﺧﻼﻕ

ﺇﺫﺍ ﺑﺪﻙ ﻋﻠﻢ ﻋﻨﺪﻧﺎ ﺍﻓﻀﻞ ﻣﻌﻠﻤﻴﻦ ﺍﻟﻤﻤﻠﻜﻪ ﻭﺑﻜﻞ ﺟﺎﻣﻌﻪ ﺗﺠﻤﻊ ﺍﺑﻨﺎﺋﻬﺎ ﺍﻟﻪ ﺑﺼﻤﻪ ﻭﺍﺿﺤﻪ

ﺍﻣﺎ ﺍﻟﺼﺤﻪ ﻓﻴﻬﺎ ﻣﺴﺘﺸﻔﻰ ﺍﻟﺤﻴﺎﺓ ﻭﺍﻟﻤﻘﺎﺻﺪ ﻭﻋﻴﺎﺩﺍﺕ

# ﺣﺒﻄﺮﺵ.

فيها جامع نزال الكبير 

وﻓﻴﻬﺎ ﺳﻮﻕ ﺧﻀﺮﻩ ﻭﺳﻮﻕ ﻣﻼﺑﺲ

ﺟﻤﻴﻊ ﺍﻟﺨﺪﻣﺎﺕ ﻭﺍﺻﻠﻪ  ﻣﺎ ﺑﺘﻨﻮﺻﻒ ﺑﺒﻮﺳﺖ ﻭﻻ ﻛﺘﺎﺏ ، ﻧﺰﺍﻝ ﻭﻃﻦ ﻧﺰﺍﻝ ﺩﻭﻟﺔ ﻭﻋﻠﻢ

ﺑﺪﻙ ﺗﻌﺮﻑ ﻧﺰﺍﻝ ؟ ﺗﻌﺎﻝ ﻭﺩﻕ ﺍﻱ ﺑﺎﺏ ﻭﻗﻮﻝ ﻋﻄﺸﺎﻥ ، ﻗﻮﻝ ﺑﺮﺩﺍﻥ ، ﺍﻭ ﻣﺤﺘﺎﺝ

ﺑﺪﻙ ﺗﻌﺮﻑ ﻧﺰﺍﻝ ؟ ﺗﻌﺎﻝ ﺑﺮﻣﻀﺎﻥ ﻭﺷﻮﻑ ﻛﻴﻒ ﺍﻟﺤﺎﺭﺓ ﺑﻴﺖ ﻭﺍﺣﺪ

ﺑﺪﻙ ﺗﻌﺮﻑ ﻧﺰﺍﻝ ؟ ﺗﻌﺎﻝ ﺑﻔﺮﺡ ﻭﺷﻮﻑ ﻗﺮﺍﻳﺐ ﺍﻟﻌﺮﻳﺲ ﻋﺸﺮﻩ ﻭﺟﻴﺮﺍﻧﻪ ﻭﺍﺻﺤﺎﺑﻪ ﺍﻟﻒ

ﺑﺪﻙ ﺗﻌﺮﻑ ﻧﺰﺍﻝ ؟ ﻗﻮﻝ ﻣﺤﺘﺎﺝ ﺗﺒﺮﻉ ﺩﻡ ‏( ﺍﻟﻠﻪ ﻻ ﻳﺤﻴﺠﻚ ‏)

ﺑﺪﻙ ﺗﻌﺮﻑ ﻧﺰﺍﻝ ؟ ﺑﻨﺸﺮ ﻭﻣﺎ ﻳﻜﻮﻥ ﻣﻌﻚ ﺳﺒﻴﺮ ﻭﻻ ﻣﻔﺘﺎﺡ ﺟﻨﻂ ، ﻳﻤﻜﻦ ﺗﺮﻭﺡ ﺑﻤﻔﺘﺎﺣﻴﻦ ﻫﺪﻳﻪ

ﺑﺪﻙ ﺗﻌﺮﻑ ﺷﻮ ﻧﺰﺍﻝ ؟ ﺍﺳﺌﻞ ﺣﺪﻯ ﺍﺗﻬﻮﺭ ﻭﺭﺣﻞ ﺍﻭ ﺍﻟﻐﺮﺑﻪ ﺍﺑﻌﺪﺗﻪ

ﺑﺪﻙ ﺗﻌﺮﻑ ﺷﻮ ﻧﺰﺍﻝ ؟ ﺗﻌﺎﻝ ﺍﺣﻜﻴﻠﻚ ﻋﻦ ﺭﻏﻴﻒ ﺍﻟﻄﺎﺑﻮﻥ ﻭﺍﻟﻔﻼﻓﻞ

ﺗﻌﺎﻝ ﺍﺣﻜﻴﻠﻚ ﻋﻦ ﺍﻟﺸﻮﺭﻯ ﻭﻣﻠﻌﺒﻬﺎ

ﺗﻌﺎﻝ ﺍﺣﻜﻴﻠﻚ ﻋﻦ ﺍﺑﻮ ﻫﺮﻳﺮﻩ ﻭﻃﻼﺑﻬﺎ

ﺗﻌﺎﻝ ﺍﺣﻜﻴﻠﻚ ﻛﻴﻒ ﺍﻟﻄﻔﻮﻟﺔ ‏( ﻃﺒﻖ ﻭﺳﺒﻊ ﺣﺠﺎﺭ ‏) ﻋﻦ ﺍﻟﻔﺘﻮﺓ ﻭﺷﺒﺎﺏ ﻣﺜﻞ ﺍﻟﻮﺭﺩ ﻋﻦ ﺷﻴﺎﺏ ﻣﺘﻌﻠﻘﻴﻦ ﺑﺎﻟﻤﺴﺎﺟﺪ . ﻧﻘﻄﻪ

يا نزاال ياا ديرتي