نيروز الإخبارية : نيروز الاخبارية: الشاعر محمد باسم البادي بحر غركان بية امنل حزن والضيم اضحك من جذب وعيوني فضحتني غركانة العيون امنل دمع وهواي عراق انة الحزن مايوم فاركني ارامل خلفت وهواي عندي ايتام ريحتها المكابر حيل ضكتني يملك الموت كلي اشعندك انتة وياي عجيب اسبايكر ماكفت اتركني انة انطيتك شباب بعمر وردة ايكون عرا انة وبطل لا محد ايذلني تذلوني صدك تحجون مقتنعين وانة الغيرة بية اتربت بحضني يالتحكمون بسم امريكا وسرائيل ادوس انريكا وسرائيل تعرفتي يناس اليحكم بهل بلد ليش ايبوك مال ايتام باجر كلي شتردلي باجر هم وراك احساب فوك اهناك جنت تطعن بضهري وشيبت ضعني ماسمح بشر بضهري يطعن جان اريد البسمي يحكم كون ينصرني وريدنك يشعبي روح وية الروح الموصل تشبك البصرة وتعانكني واريدنك يشعبي اتردلي اسمي الراح عروسة اتصوغلي بغداد وتزفني واريد الحلة شمعة ونور للاجيال حضارتها الأصيلة كون تربكني واريد النجف تنضج بالمعارف دوم دين ومعرفة انسانية ترفعلي واريد ابن الرمادي ايكبر الديون الضيف الي يزورة كون يذكرني واريد اربيل حلوة بس تضل للدوم ايد بيد وي بغداد يوصلني واريد امنل سماوة كون جم خيال فارس بالمعارك كون يفزعلي واريد امنل العمارة كون جم مهوال اابجرف النصر يوكف يهوسلي واريد الناصرية اشيوخ عدة هواي من حلك الأسد حقي اهية تاخذلي الديوانية انسة هاي ضخري العود من ينحني ضهري كون تسندني واريد امنل شعب واجب عليه ايصير بجهاد العمل يطلع كون بس يبني وريد امنل علم تضهر علينا اثار نوعي ارواحنة وفكارنة التسري واريد امنل ثقافة كون رمز انصير الاجيال البعدنا علنهج تمري واريد امنل نفط مالتنا النا ايصير مو ياهو اليجي عبيلي والحكني واريد انة اشوف اثنين بس عشاك الغزل بيهم يصب ناعور من يجري واخيرآ ها خطبت بوسط هذا الكون عراق انة وبطل تاج العرب تدي عراق انة وبطل واصل العرب تدري