نيروز - لوزان عبيدات 

قالت الفنانة نداء شرارة إنها المسؤولة  على أن تكون أسعار تذاكر حفلاتها معقولة وتناسب غالبية الأردنيين . 

وأضافت شرارة في منشور لها عبر الفيسبوك ،الأربعاء ، " لو علي بخلي كل الناس تحضر ببلاش انا بنت الاردنيين وهمه دعموني كل انسان عندو هدف وانا هدفي ليس المال هدفي افرحهم وحفلاتي بالاردن ب استثناء المهرجانات غالبا بتكون من تنظيمي لاني ما بقدر اغني بأي مكان ف بعمل حفلات بمسارح مرتبه " .

وتابعت " برفض ارفع سعر التيكت عشان الناس كلها تقدر تيجي وبربِح تيكتات ل اللي مش قادرين يدفعوا وجمهوري بعرف هاد الشي زمان قبل ما اكون بالفن كنت بحب اروح احضر فنانين  بس ما كنت بقدر اشتري تيكتات اليوم بعرف الشعور  لذلك بحب كل الناس تيجي وبستمتع بالحفلات اللي جمهورها جاي يحضر ببلاش وبحس وقتها قديش عندي شعبيه مش مجرد حدا مشهور وخلص " .  

وزادت " والنظره المأخوذة عن الفنان الاردني انو مظلوم ياريت نغيرها أحنا برضو بس يكون عنا حفلات بأي بلد برا اسعار التيكتات بتكون مرتفعه وهاد مش بإيدنا لأنو بطبيعة الحال  " . 

وختمت بالقول " اي فنان رح يجي من برا تكلفته عاليه جدا على قائمين الحفل لذلك يتم رفع سعر التيكت اهلا بكل الفنانين اللي بتنورنا والله يديم علينا نعمة الامن والامان وتضل الاردن بخير وحب وفرح " .