نيروز الإخبارية : نيروز الاخبارية: والشعر اللي هلكنا تمشيطه وترتيبه بكرة بطول وبتمشط على خاطرهم .. والحلوة الصغيرة اللي بتدلع على ماما عشان تحملها بكرا عودها رح ينفرد وينشد . والألعاب اللي معبية البيت بكرا رح تنشال ويجي مكانها أشياء كبيرة ودفشة . الطلبات رح تتغير ومش رح اضل سوبر ماما اللي بتعمل كل اشي وتحل كل المشاكل .. بكرا رح تستحي تنام بحضني ورح أتعلم انام لحالي... بكرا انا اللي رح استناها لما تطلع وتتركني واركض عشان افتحلها الباب مش العكس . .. بكرا هيه رح تعدل على ذوقي في لبسي وتختار اللي البس ايش مع ايش مش العكس . ... بكرا رح تعلمني التكنلوجيا متل ما علمتها تمسكوا للقلم .. بكرا رح تحكيلي انو الحلويات مش منيحة عشان صحتك مش العكس.... حبيبتي وراس مالي اللي مطلعه عيني يا رب أعيش لبكرا وتتذكري قديش تعبت عليك وقديش تعبك على قلبي زي العسل مبروك ماما عيشو ادق التفاصيل مع ولادكم قبل ما يفوت الوقت ونندم ع التفاصيل الي راحت علينا .