كتبت: ياسمين إبراهيم لطفى.

العلاقة دي مش معنها إن طرف مع طرف تاني وقت فرحه بس وفي ظهرك وقت حزنه لا بالعكس علاقة مريحة معنها أن لما طرف يبقي عنده مشكلة في حياته مثلاً وبيحاول قدر المستطاع إنه يبقي كويس علشان يقدر يكمل فيجي طرف تاني ميفهموش كويس أو على كل صغيرة وكبيرة يحصل مشكله ويضخمها ويزيد عليك بزيادة وأنت مش متحمل لمجرد إنك تعبان ومش عارف تاخد قرار في حياتك أو مش قادر تتجاوز اللى أنت فيه مُختصر كلامي إن العلاقة المريحة يعني؛ نعدي لبعض، نحاول نفهم بعض كويس، نختار أشخاص صح؛ عشان الحياة مرهقة بما فيه الكفايه وفي الآخر حد يستنزفك وخلاص سواء نفسياً أو عاطفياً؛ عشان كدا أُبدي رأيك في أي حاجة في قبول تمام مفيش يبقي أنت مطمن لأنك عملت اللى عليك، وجيه وقت إنك تفضي دماغك عشان ترتاح وبس دا حقك؛ دا حقك كإنسان في حياتك أنت ولا مُطالب تُبرر للناس موقفك، ولا مُطالب إنك تتدي حد حاجة وأنت تعبان، ومش قادر، ومتلغبط، وبتحاول تبقي كويس، وتتدي رغم التعب اللى جواك، واللى حواليك مش مقدر حتي دا يبقي خلاص؛ بلاش تتدخلوا في العلاقات دي متضيعوش وقتكم دايماً إستغلوا وقتكم في مفيد، ونافع بس؛ الوقت دا هتتحاسب عليه عشان كدا متهملش نفسك، وتستنزف طاقتك حاول، وجاهد، وعافر؛ عشان توصل لحلمك صح متملش دماغك بهوحس، وأوهام، وأشخاص تستنزفك وبس حط أفكار إيجابية ف حياتك، حد يشجعك بحب أوي أختار الصديق اللى يقول لصحابه انا رايح دورة كذا أحجزلك يا باشا فأي حاجة معاك حلو جداً جداً إنكم تشجعوا بعض تبقوا سند وعون لبعض اللى يقع يسند تاني مش كل شويه مثلاً: تتعبوا وترهقوا في بعض ومين صح ومين غلط مفيش وقت لإرهاق أنفسنا بكل دا.

 خلاصه بقا:

لو إتمسكت بأشخاص تستنزف طاقتك معهم هتوصل لمرحله متمناش حد يوصلها إسمها "ضغط نفسي" إنك من كتر ضغط الحياة عليك لا وكمان مشاكل عموماً محاوطه ولازم تبرر كل حاجه لطرف تاني فهتبقي مضغوط في حياتك عشان كدا عيش حياتك ببساطة أضحك عشان الإبتسامة صدقة خليك سلس، مع آخرين مرن في علاقتك بأي حد؛ متبررش لحد حاجه أنت أساساً مش مُطالب بإنك تقول حاجه ولا أي حاجة بلاش تجني على نفسك بنفسك وتحطمها بلاش تفكر في ناس بلاش تفكر في رأي ناس فككك من أي حد يأذيك أختار شخص صح تحس براحه في الكلام مش اللى تحسب معاه كلامك لو كل الناس؛ ودا صعب جدا بيستنزفوك أبعد عنهم هبقي وحيد؟؛ الوحِده أهون بكتير من إنك تبقى مع حد بيستنزفك من كل الجوانب، الوحده مش اكتئاب، وبعد عن الناس؛ لا ربنا خلق الجنه والنار لو عِشت عمرك كله مع أشخاص غلط هتيجي يوم والله هتقابل شخص صح اللى ترتاح في كل حاجة معاه تبقي مطمن ليه إنك مهما حصل هو معاك مهما حصل هو فاهمك كويس متيأسوش من رحمة الله بس الوحده بُعد عن البشر؛ هتقدر تفضي دماغك من أي مشكلة مع طرف تاني هتقدر تخطط مستقبلك من غير أي حد يستنزفك هتقدر تاخد بأيد نفسك، دماغك هيبقى متفرغ لحاجة وحده؛ هو انا مشكلتي أيه بالتالي هتبدأ تحلها بالتالي هتتحول لشخص أفضل بكتير من إنه يبقي مع أشخاص بس تايه في دوامه وهو معاهم مش عارف هو مين! شخصيه تعبانه تتأثر بأي كلمه من أي حد أعتزل؛ هو ف أحلي من سجدتك وقرآنك وربك ودموعك باليل هو وحده حاسس بيك، هيهونها عليك، متقولش بقا ناس وأشخاص بس دا مش معنها إنك مش هتقابل شخص صح بس ربنااا لازم -يأهلك صح-. 

وأخيراً أختم مقالي بأن علمتني الحياة ألا أبالي كثيراً بأحد، ألا أشغل تفكيرى كثير، فعندما أندمجت بأمور الحياة أكثر مما ينبغي؛ أصبحت كعصفور التي تحطمت أجنحته فلا يستطيع أن يطير مره أخري؛ فأنهمكت قوته فتعلمت أن أجاهد بنفسي، أكافح الحياة بمفردي، لا أتحدث كثيراً؛ فاخيراً تعلمت أن -لغة الصمت- أعظم وأريح كثيراً؛ فأصبحت لغتي المُفضلة كما قيل مُنذ زمناً إنها لغة عُظماء فأني لستُ إنسان متكامل ولا عظيم بقدر كبير فأني إنساناً أعشق البساطه، أريد راحه البال فقط بحياتي؛ لذلك قررت أن أتعلم من ماضيى وأنساه، بل سأترك وقت أن يُنسني؛ فعندما إنشغل عقلي بماضيى تحطمت، وعندما أدركت حاضري نبض قلبي من جديد بعد أن توقف، وعندما تأملت مستقبلى فرح قلبي، وعندما أدركت أن الله معي ليس أحداً سِواه معي أصبحت دقات قلبي منتظمه.