صدام الجعافره /النعيمات

العلم ما هو قماش ملون. العلم ذاكرة. 

الأسود فيه هو ليل الخيام اللي سهرت تحمي الأرض، والأبيض هو نية الهاشميين النقية من يوم ما انطلقت الثورة، والأخضر هو حقل القمح اللي وقف شامخ رغم كل الريح. أما الأحمر فهو خط الدم اللي رسم حدود الكرامة من العقبة للمفرق.

والنجمة السباعية؟ هذي وصية. سبع آيات من الفاتحة نقرأها كل صبح عشان نتذكر: الأردن انبنى على سبع: وحدة، كرامة، شهامة، صبر، حلم، حكمة، وبيت هاشمي حاميه.

يوم العلم مش احتفال بيوم، هو تجديد قسم. القسم إن الراية اللي رفعوها جدودنا ما رح تنزل طول ما فينا نفس. نرفعها على بيوتنا مش زينة، نرفعها عهد.

كل ما رفرف العلم، اسمعه بحكي: أنا منكم وإلكم، شلت تعبكم وفرحكم، ودفنت تحت ظلي شهداءكم. لا تتركوني.

*ارفع علمك اليوم. مش بس على الحيط، ارفعه بأخلاقك، بشغلك، بوقفتك مع جارك. هيك بكون العلم فعلاً عايش.*