احمد مناور معتوق 

حلمت بإني اشتريت جرة وغسلتها من الغبار وحطيتها على منصب خشب وحطيت أول البربيش في الحنفيه وآخره في الجره وفتحت المي عليها قلت اعبيها مي بتصبح بارده وصافيه منه للشرب ومنه للشاي والقهوه وكل ربع ساعه أتفقد الجره ولسه الجره ما اتعبت أصبح الصبح ولسه الجره ما تعبت ولما طلع الفجر ونورت الدنيا شفت سيل مي بمشي تحت الجره ولما دققت مزبوط أتاري الجره مثقوبه وكل نقطة مي بتصب بالجره بتتسرب بره فكرت أصلح الجره وأسد الثقب ولا أكسرها وأجيب جره غيرها وأنا بفكر شو بدي أقرر صحيت من النوم وصرت أفكر يا ترى لو الجره كانت سليمه قديش بدها وقت حتى تتعبى عشان هيك بدي كل واحد منكوا يتفقد صلاحية جرته منعا للهدر والتسريب .