نيروز الإخبارية : نيروز الاخبارية : ياللي سألت سعود خذ كلمة سعود مفروض جرح الروح محدٍ درابه حرب البعيد يوحد الصف يا حمود . مير البلا يا حمود حرب القرابه. . اللابه اللي بينها الهرج موجود اشهد شهادة حق مهي لابه هرج القفا بالناس عيبٍ ومنقود كلمه وتكبر لين تصبح طلابه . يبلش بها العاقل من افعال مقرود الجاهل اللي ما يحسب حسابه والبيت لا شيد على كذب وجحود مهما كبر يرجع على اصله خرابه . ياللي تقول ان الفهد ينجب فهود ماكل نظرات الاوادم تشابه الطيب ماهو ورث يورث من جدود شف كم ذيبٍ مايعقب ذيابه . كم واحدٍ اسمه مع الناس في زود عقب عيالٍ في ضلال وكأبه عندي على هذا براهين وشهود بعض الشباب ابليس خيب شبابه . وكم واحدٍ يجهل وهو شايبٍ عود يتبع هوى نفسه ويجهل صوابه الجود ماكلٍ ترى يقدر الجود وإلا الردى يا حمود مفتوح بابه . . يا حمود ما حنا مواثيق وعهود لا والذي للناس نزل كتابه ادمح خطا مساعد على شان مسعود اسكت حيا موهوب خوف ومهابه . والصبر له حكمه وله وقت وحدود اصبر على العجه برجوى سحابه ومن لايعشق المجد مايكسب الفود هذاك خبلٍ ساتراته ثيابه . . لعيون بنت العز لعيونها السود الذل محدٍ من ربوعي رضابه حنا ترى ياحمود حماية الذود يوم الليالي يابن عمي نهابه . يومنها مابين سيفٍ وبارود سدنا رعاك الله في شرع غابه واليوم صارت كلها اسهود ومهود نركع لوجه الله ونرجي ثوابه حرب البعيد يوحد الصف يا حمود مير البلا يا حمود حرب القرابه.