نيروز الإخبارية : نيروز الاخبارية : الكاتب : راتب المرعي الدبوش لَا تْـقَـلِّـبيْ جَـمْــرَ الْـمــوَاجِـعْ لَا تْـفَـتِّـحيْ جْــرُوحَ الْـجـريْـحْ اللّـيـْلَـةْ ثَــلْــجْ وْبـَــرَدْ وْعَـتْـمَـةْ ، وْشِمَـالـيْ ، وْريــــحْ . **** لَا تْـقُـوليْ : إحْـنـَا بْـهَـنَا بْـعَـصْرِ الـسّعَـادَةْ ، والْـغِـنَى . وْلَا تْـقُـوليْ : صِحّـةْ، وْأَمَـانِ ، وْعَـفَا وْأمْـنِ ، وْسَكـيـنَةْ ، وِاكْـتِـفَا حُـطِّـيْ عَـيـْنِـكْ جُــوّا رَاسِـكْ شُـوْفِـيْ أَهْـلِـكْ ، شُـوْفـِـيْ نَـاسِـكْ هَـذَا عَـاريْ ، هَـذَا جَــايــِـعْ هَـذَا سَايــِعْ ، هَـذَا ضَـايــِعْ هَـذَا بَـاكِـيْ ، وْهَـذَا شَـاكِـيْ وِالّلـيْ قَـاضِـبْ ، وِالِّليْ رَاكِــبْ وِالّلـيْ مُـوْجـِبْ ، وِالّليْ سَـالِـبْ كُـلُّـهْ مَـــعْ بَــعْـضُـهْ ... يِـصِــيــحْ . **** تَسْألِينيْ عَنِ اُخْـبَـاريْ ؟ عَـنِ الصّـايــِرْ ، عَـنِ الْـجَـاريْ ؟ أسُوْلِـفْ لِـكْ عَـنِ الدّيــرَةْ وْبـَلاويـهَـا ، وْعَـنِ الشّـرّْ الْ عَــــدَا بــيـهَـا . أقُـلْ لِـكْ ، وِاُنـْتِ اُسْـمَعيْ مِـنّيْ : مدريْ بْـعِـلِمْ ، مَـدْريْ بْـحِـلِمْ يـِمْكِـنْ رِوَايـَـةْ إِنْسِيْ عَـنْ جـِـنّيْ شُفْـتِ اُلثّـعَـالِبْ مَـعْ عَـقَـاربْ وْشُفْـتْ ديـدَانْ وْطَـحَـالِـبْ شُـفْـتِ اُلْـمُـغَامِــرْ وِاُلْـمُـقَـامِــرْ وِاُلّلـيْ مَـخْـفِيْ وِالّلـيْ ظَـاهِــرْ كُـلُّـهُـمْ عَــاثُــوا بِـــزَرْعِـيْ كُـلُّـهُمْ هَــدّوا جـِـدَاريْ ثَـبّـتُـوا بْظَـهْـريْ خَـنَــاجـِـرْ وْغَادَرُوا وْدَمـّـيْ يِـــسيــحْ . **** تسْألينيْ : مِـينَ اُنَـا ؟ أنا البيْتِ اللّيْ جمّـعْـهُمْ وَاُنـا الْمَـلْجَـا اللّي رَبـّـاهُـمْ وَاُنا الْخُـبْـزِ اللّيْ شَـبّـعْـهُـمْ وَاُنا الـنّـبْـعِ اللّيْ رَوّاهُـــمْ بْــزَمَـانِ الْـقِـلّةْ وَالْمَوْسِـمْ شَحـيـحْ . وْلَـمّا كِـبْــرُوا ، وْلَـمّا شِـبْـعُــوا ، وْلمّا صَـارْ الْـهُـمْ أسَامـِيْ بَـيّـنُـوا ... مِـثْلِ الصّـرَامِـيْ هَـذَا فَـاسِـدْ ، هَـذَا غَــادِرْ ، هَـذَا لِــصْ ، وْذَا حَـرَامِـيْ كُـلّـهـُمْ صَـاروا أفَــاعِـيْ حَـيَايَا مْـرَقّـطَةْ ، وْإلْهَا فــحـيـحْ . **** قَـدّيـْشْ شُفْـنَا مِـنْ كَـرَاسيْ عَ الْـكَـرَاسيْ ! وْقَـدّيـْشْ صَـبُّـوا المُـرّْ فـيْ كَاسِـكْ وِكَاسـيْ ! أبـَـدْ مَـا يوصَـلِ الْمَـقْطورْ مِـنْ دُونْ راسِ وَاُلْـفَـرْقْ وَاضـِحْ بـيـْنْ مَـشْطُـونْ وِمْــرِيـْــحْ . **** لَا تْـقَـلِّـبيْ جَـمْــرَ الْـمَــوَاجِــعْ لَا تْـفَـتِّـحيْ جْــرُوحَ الْـجـريْــحْ الّليْـلَـةْ ثَــلْــجْ وْبـَــرَدْ وْعَـتْـمَـةْ ، وْشِمَـالـيْ ، وْريــــحْ .